जळगाव - रावेर लोकसभा मतदारसंघाच्या भाजप खासदार तथा राष्ट्रवादी काँग्रेसचे नेते एकनाथ खडसे यांच्या सून रक्षा खडसेंनी सकाळी नऊ वाजता मतदानाचा हक्क बजावला. मुक्ताईनगर तालुक्यातील कोथळी येथील ग्रामपंचायतीच्या निवडणुकीसाठी त्यांनी जिल्हा परिषदेच्या शाळेतील मतदान केंद्रावर मतदान केले. कोथळी ग्रामपंचायतीच्या निवडणुकीत भाजप विरुद्ध राष्ट्रवादी अशी थेट लढत आहे. एकनाथ खडसे यांनी भाजपला रामराम ठोकून राष्ट्रवादी काँग्रेसमध्ये प्रवेश केला आहे. त्यानंतर ही ग्रामपंचायतीची निवडणूक होत आहे. भाजपच्या खासदार असलेल्या रक्षा खडसेंच्या दृष्टीने ही निवडणूक महत्त्वपूर्ण असणार आहे.
खासदार रक्षा खडसेंनी बजावला मतदानाचा हक्क