जळगाव -जळगाव जिल्हा न्यायालयात सरकारी वकील म्हणून कार्यरत असलेल्या रेखा ऊर्फ विद्या भरत राजपूत (वय ३५, रा. सुपारीबाग, जामनेर) यांचा चारित्र्याच्या संशयावरुन पतीने खून केला होता. याप्रकरणी त्यांचे आरोपी पती डॉ. भरत लालसिंग पाटील (वय ४२, रा. बेलखेडे ता. भुसावळ) याला जन्मपेठेची शिक्षा सुनावण्यात आली आहे. तर पुरावा नष्ट करण्याचा प्रयत्न करणारे सासरे लालसिंग श्रीपत पाटील (७४, रा. बेलखेडे, ता. भुसावळ) यांना ४ वर्ष सश्रम कारावासाची शिक्षा ठोठावण्यात आली आहे. जिल्हा सत्र न्यायाधीश पी.वाय. लाडेकर यांच्या न्यायालयाने आज (गुरुवारी) हा निकाल दिला आहे.
काय आहे प्रकरण?
जळगाव प्रथम वर्ग न्यायदंडाधिकारी न्यायालयात सरकारी वकील असलेल्या विद्या राजपूत यांचा १३ जानेवारी २०१९ रोजी उशीने तोंड व गळा दाबून खून झाला होता. भुसावळ येथे मृत घोषित केल्यानंतर मृतदेह परस्पर बेलखेडे (ता. भुसावळ) या मुळगाव अंत्यसंस्कारासाठी नेण्यात आला होता. तेथे विद्या राजपूत यांचा मावसभाऊ गणेश सुरळकर व बहीण प्रिया सोळंखे यांनी मृत्यूचे कारण विचारले असता, त्यांचा मृत्यू हृदयविकाराने झाल्याचे पतीने सांगितले होते. मात्र, चेहरा पाहिल्यानंतर शरीरावर जखमा होत्या. संशयामुळे मृत विद्या यांच्या नातेवाईकांच्या मागणीनुसार दुसर्‍या दिवशी शवविच्छेदन झाले होते. त्यात विद्या राजपूत यांचा मृत्यू गुदमरून तसेच तोंड व गळा दाबून झाल्याचा अहवाल डॉक्टरांनी दिला होता.
जामनेर पोलीस ठाण्यात दाखल होता गुन्हा