जळगाव - आजवर आपण पैसे, दागिने, मोबाईल चोरीला गेल्याचे ऐकलं असेल. परंतु, शिरसोली गावात भलताच प्रकार घडला आहे. याठिकाणी चोरट्यांनी चक्क स्मशानभूमीतून अस्थी चोरल्या आहेत. हा धक्कादायक प्रकार समोर आल्यानंतर मृताचे नातेवाईक आणि पोलीस अवाक झाले आहेत.
जळगावात चोरट्यांनी चक्क स्मशानभूमीतून अस्थी चोरल्या आहेत.
शिरसोली येथील सखुबाई झिपरू धनगर यांचे दोन दिवसांपूर्वी निधन झाले. निधनानंतर त्यांच्यावर रितीरिवाजनुसार 'मोक्ष धाम' स्मशानभूमीत अंत्यसंस्कार करण्यात आले. अंत्यसंस्कारानंतर तिसऱ्या दिवशी त्यांचे नातेवाईक अस्थी संकलनासाठी स्मशानभूमीत गेले. यानंतर अस्थी विसर्जनाचे संस्कार पार पडणार होते.
हेही वाचा - जळगाव जिल्हा उपकारागृहातच कैद्यावर प्राणघातक हल्ला; जुन्या वादातून तिघा कैद्यांकडून पत्र्याने वार