जळगाव - महाराष्ट्रात सध्या नगरपंचायत निवडणुकीची ( Nagar Panchayat elections in Jalgaon ) रणधुमाळी सुरु आहे. नगरपंचायत निवडणुकीचा प्रचार अंतिम टप्प्यात आला आहे. यावेळी शिवसेनेचे नेते पालकमंत्री गुलाबराव पाटील ( Shivsena Leader Gulabrao Patil ) यांनी एकनाथ खडसे यांना बोदवड नगरपंचायत ( Bodwad Nagar Panchayat Election ) प्रचार भरसभेत टोला मारला. माझ्या मतदारसंघातील रस्ते हेमा मालिनीच्या गालासारखे ( Roads like Hema Malini's Cheeks ) असल्याचे वक्तव्य गुलाबराव पाटील यांनी केले.
पालकमंत्री गुलाबराव पाटील यांनी बोदवड नगरपंचायतीच्या निवडणुकीत विरोधकांवर जोरदार टीका केली. ते म्हणाले, माझे तीस वर्ष राहून चुकलेल्या आमदारांना आव्हान आहे, त्यांनी मतदारसंघात येऊन मी केलेला विकास पहावा. हेमा मालिनीच्या गालासारखे रस्ते मी तयार केले आहे. तुम्ही महाराष्ट्राला काय गुण शिकवता, असा सवाल देखील गुलाबराव पाटील यांनी केला आहे.
नितेश राणे यांची उंची नाही -
राज्यात निर्माण झालेल्या राजकीय परिस्थितीवर देखील गुलाबराव पाटील यांनी भाष्य केलं. राज्यात पालकमंत्री शिवसेनेचा, नगर विकास मंत्री शिवसेनेचा, आमदार शिवसेनेचा असंच व्हायला हवं, असे गुलाबराव पाटील म्हणाले. नितेश राणे यांची उद्धव ठाकरे यांच्या बाबत बोलण्या एवढी उंची नाही. उद्धव साहेबांच्या वडिलांनी त्यांच्या वडिलांना राजकारणात मोठे केले. त्यामुळे त्यांनी उद्धव साहेबांविषयी बोलू नये. उद्धव ठाकरेंनी शिवसेना पक्ष स्वतःच्या स्वार्थासाठी वापरला असे नितेश राणे यांनी म्हटले होते. यावर गुलाबराव पाटील यांनी उत्तर दिले आहे. शनिवारी शिवसेना नेते रामदास कदम यांनी पत्रकार परिषद घेत अनिल परब यांच्यावर गंभीर आरोप केले होते. यावर प्रतिक्रिया देताना नितेश राणे यांनी उद्धव ठाकरेंवर जोरदार हल्लाबोल केला होता.