हिंगोली -आईने आपल्या दीड वर्षाच्या चिमुकलीसमोरच घरातील पंख्याला गळफास घेऊन जीवन संपवले. कळमनुरी तालुक्यातील शिवणी खुर्द येथे ही घटना घडली असून रक्षदा अरविंद ढेंगळे (२४), असे मृत महिलेचे नाव आहे. या घटनेनंतर चिमुरडीकडे पाहून गावात हळहळ व्यक्त केली जात आहे.
दीड वर्षाच्या चिमुरडीसमोरच गळफास घेऊन आईची आत्महत्या
रक्षदा यांचे सासू सासरे नियमितपणे शेतात काम करण्यासाठी गेले होते, तर पती अरविंद हा कामानिमित्त कळमनुरी येथे गेला होता. रक्षदा ही आपल्या दीड वर्षीय चिमुरडीसह घरीच होती. शेतातून दुपारच्यावेळी सासू सासरे घरी परतले. त्यावेळी चिमुरडीचा रडण्याचा आवाज येत होता. त्यामुळे सासू सासऱ्याने घरात धाव घेतली, तर सून पंख्याला गळफास घेतलेल्या अवस्थेत आढळून आली. त्यामुळे सासू सासऱ्याने आरडाओरड करताच शेजाऱ्यांनी घटनास्थळी धाळ घेतली.