बँकेच्या परीक्षेत घवघवीत यश मिळवून दृष्टिहीन युवक बनला आई-वडिलांचा आधार

जन्मापासूनच दोन्ही डोळ्यांनी दृष्टहीन असलेल्या युवकाने बँकेच्या परीक्षेत घवघवीत यश मिळवले आहे. सेनगाव येथील सुदाम वावळे असे या युवकाचे नाव आहे. घरी अठराविश्व दारिद्र्य असताना दृष्टिहीन मुलगा जन्मल्यानंतर सुदामचे आई-वडील चिंतेत पडले होते. केवळ तीन एकर कोरडवाहू शेती आणि जोड व्यवसाय म्हणून दोन शेळ्या अशा हालाकीच्या परिस्थितीत ते कुटुंबाचा गाडा हाकत होते. हक्काची नोकरी मिळाल्याने सुदाम आपल्या आई-वडिलांचा आधार बनला आहे.

हिंगोली -जन्मापासूनच दोन्ही डोळ्यांनी दृष्टहीन असलेल्या युवकाने बँकेच्या परीक्षेत घवघवीत यश मिळवले आहे. सेनगाव येथील सुदाम वावळे असे या युवकाचे नाव आहे. हक्काची नोकरी मिळाल्याने सुदाम आपल्या आई-वडिलांचा आधार बनला आहे. घरी अठराविश्व दारिद्र्य असताना दृष्टिहीन मुलगा जन्मल्यानंतर सुदामचे आई-वडील चिंतेत पडले होते. केवळ तीन एकर कोरडवाहू शेती आणि जोड व्यवसाय म्हणून दोन शेळ्या अशा हालाकीच्या परिस्थितीत ते कुटुंबाचा गाडा हाकत होते.

अनेक जण सुदामच्या आई-वडिलांना टोमणेही मारत मात्र, त्याच्या आई-वडिलांनी धीर सोडला नाही. हिंगोली येथील अंध विद्यालयात सुदामने प्राथमिक शिक्षण पूर्ण केले. पुढील शिक्षण पूर्ण करण्यासाठी त्याने पुणे येथील नवरोसजी वाडिया महाविद्यालयात प्रवेश घेतला. तिथेच पदवीचे शिक्षणही पूर्ण केले. 2018 मध्ये बीए केल्यानंतर त्याने नॅशनल स्कूल ऑफ गव्हर्नमेंट एक्झाम अकॅडमीत स्पर्धा परीक्षेचा अभ्यास केला.

हेही वाचा -समोर मृत्यू दिसल्यानंतर... हिंगोलीतील शेतकरी दाम्पत्याचा थरारक अनुभव

बँकेच्या लिपिक पदासाठी जागा निघाल्यानंतर त्यांनी अर्ज केला. महाराष्ट्र आणि गोवा या दोन राज्यात अंध विद्यार्थ्यांसाठी केवळ आठच लिपिक पदाच्या जागा होत्या. मात्र जिद्दीने सुदामने ही परीक्षा दिली आणि या परीक्षेत 200 पैकी 118 गुण मिळवून यश संपादन केले. सुदामच्या या यशाने सर्वजण अचंबित झाले आहेत. या यशाचे श्रेय तो पुण्यातील शिक्षकांना आणि आपल्या आई-वडिलांना देतो.