हिंगोली - जिल्हा सामान्य रुग्णालयात कार्यरत असणारी अधिपरिचारिका फक्त एकच नव्हे, तर विविध नऊ विभागांचा पदभार सांभाळून कोरोनाच्या काळात कर्तव्य बजावत आहे. महामारी सुरू झाल्यापासून त्यांच्यावर ही जबाबदारी असून त्यांनी हे आव्हान समर्थ पणे पेललंय. दुर्गा महोत्सवानिमित्त 'ईटीव्ही भारत'ने हिंगोलीच्या जिल्हा रुग्णालयातून घेतलेला विशेष आढावा.
हिंगोलीत पहिला कोरोनाबाधित रुग्ण आल्यानंतर त्याचा ईसीजी करण्याची संपूर्ण जबाबदारी ज्योती पवार यांनी स्वतः घेतल्याचे त्यांनी सांगितले. या धाडसामुळे आजवर अनेक रुग्णांनी त्यांचे आभार मानले आहेत.
तर राज्यराखीव दलातील जवानांवर उपचार केल्याने त्यांचा 'समदेशक मंचक इप्पर' यांनी पारितोषिक देऊन त्यांचा गौरविले आहे. तसेच त्यांच्यासोबत असणाऱ्या स्टाफचा देखील सत्कार झाला आहे.
घाबरू नका आम्ही तुमच्याच सेवेसाठी तत्पर
सध्या कोरोनाबाधित रुग्ण संख्येमध्ये वाढ होत आहे. त्यामुळे शक्यतो बाहेर अजिबात पडू नका आणि जर पडले तर स्वतःची काळजी घ्या तोंडाला मास्क बांधा, असे पवार म्हणाल्या. सॅनिटायझरचा देखील वापर कऱण्याचे त्यांनी सुचवले. कोरोनाची लागण झाल्यास घाबरू नका, आम्ही तुमच्या सेवेसाठी कायम रुग्णालयांमध्ये तत्पर असल्याचे अधिपरिचारिका त्यांनी सांगितले.
