हिंगोली- जिल्ह्यात आज (बुधवारी) दुपारी दीड वाजलेपासून पावसाने जोरदार हजेरी लावली. त्यामुळे नागरिकांची एकच तारांबळ उडाल्याचे पाहायला मिळाले. शेतकऱ्यांना पेरणीसाठी अजून पावसाची प्रतीक्षा लागलेली आहे. जिल्ह्यात दोन दिवसांपासून ढगाळ वातावरण आहे.
कोरोना संकटामध्ये सापडलेल्यांना शेतकरी मशागतीची कामे उरकून पेरणीसाठी सज्ज झाले आहेत. आता त्यांना जोरदार पावसाची प्रतीक्षा आहे. आज पावसाने हजेरी लावली मात्र पेरणीसाठी आवश्यक असा पाऊस व्हायला हवा, अशी अपेक्षा शेतकऱ्यांकडून व्यक्त केली जात आहे.