हिंगोलीमध्ये जुगार अड्ड्यावर पोलिसांची धाड; 6 लाखाचा मुद्देमाल जप्त

सध्या गणेशोत्सव मोठ्या उत्साहात साजरा केला जात आहे. मात्र, तरीही गणेश मंडळ परिसरात जुगार खेळणाऱ्यांची संख्या जास्त आहे.

हिंगोली- शहरातील लाला लजपतराय नगरमध्ये एका घरात सुरु असलेल्या जुगार अड्ड्यावर स्थानिक गुन्हे शाखेच्या पथकाने छापा टाकला. यामध्ये पोलिसांनी 6 लाख 47 हजार 230 रुपयांचा मुद्देमाल जप्त केला असून आरोपी विरुद्ध शहर पोलीस ठाण्यात गुन्हा दाखल केला आहे. यामधील आरोपींमध्ये प्रतिष्ठितांचा समावेश आहे.

हेही वाचा -परभणीत हायप्रोफाईल जुगार अड्यावर छापा; साडेआठ लाख रुपयांच्या मुद्देमालासह 20 जुगारी अटकेत

ओम वाघमारे, नामदेव वाघमारे, पांडुरंग राठोड, दत्तराव उघडे, हरिष साहू, रतन डोम्पे, आयुब प्यारेवाले आणि इतर हे या ठिकाणी जुगार खेळताना आढळून आले. यामधील आयुब प्यारेवाले याने पलायन केले. गुन्हे शाखेने मारलेल्या छाप्यामुळे कॉलनीत एकच खळबळ उडाली होती. यावेळी आरोपींकडून 9 हजार 30 रुपये रोख, 78 हजार 200 रुपये किंमतीचे 6 मोबाईल, 5 लाख रुपये किमंतीची 1 कार, 60 हजार रुपये किमंतीची 1 दुचाकी असा 6 लाख 47 हजार 230 रुपयांचा मुद्देमाल जप्त केला आहे.

हेही वाचा -विरारमध्ये जुगार अड्डयावर छापा; १३ जणांना अटक, १० महिलांचाही समावेश

ही कारवाई पोलीस अधीक्षक योगेश कुमार, अप्पर पोलीस अधीक्षक यशवंत काळे, जगदीश भांडारवर यांच्या मार्गदर्शनाखाली स्थानिक गुन्हे शाखेच्या पथकाने केली.

गणेशोत्सवातही जुगार जोरात -

सध्या गणेशोत्सव मोठ्या उत्साहात साजरा केला जात आहे. मात्र, तरीही गणेश मंडळ परिसरात जुगार खेळणाऱ्यांची संख्या जास्त आहे. शनिवारी वसई येथे गणरायच्या मूर्ती परिसरात जुगार खेळताना काही जणांना पोलिसांनी अटक केली आहे.

बालाजी शेषराव कदम, जनार्दन बापुराव सावळे, विजय ज्ञानदेव सावळे, शिवाजी केशवराव कदम, राजू कुंडलिकराव सावळे, संतोष देविदास सावळे, ज्ञानेश्वर अशोकराव शिंदे, गुलाब निवृत्ती सावळे, नवनाथ चंद्रप्रकाश कदम अशी आरोपीची नावे आहेत. आरोपींकडून 3 हजार 650 रोख, तर 26 हजार रुपयांचे 7 मोबाईल, असा एकूण 29 हजार 650 रुपयांचा मुद्देमाल पोलिसांनी जप्त केला आहे.