हिंगोली - जिल्हा सामान्य रुग्णालयात ऑक्सिजन न मिळाल्याने पतीचा मृत्यू झाल्याचा आरोप एका महिलेने केला आहे. कोरोना रुग्णालयांमध्ये रुग्णांचा कशाप्रकारे छळ करण्यात येतोय, यासंदर्भात या महिलेचा व्हिडीओ समोर आला आहे.
ऑक्सिजन न मिळाल्याने पती दगावल्याचा आरोप...रुग्णालयाने आरोप फेटाळले
पेंटर म्हणून ओळख असलेले संजय अंभोरे यांना मागील काही दिवसांपासून ताप येत होता. त्यामुळे ते एका खासगी रुग्णालयात उपचारासाठी गेले होते. यानंतर त्यांना 7 सप्टेंबरला सामान्य रुग्णालयात दाखल करण्यात आले. त्यांची कोरोना चाचणी झाली. दोन दिवसांनी ते कोरोना पॉझिटिव्ह असल्याचा अहवाल प्राप्त झाला. त्यानुसार अंभोरे यांना कोरोना वॉर्डात हलवण्यात आले.
काही काळानंतर अंभोरे यांना श्वास घेण्यास त्रास होऊ लागला. त्यांना ऑक्सिजनची नितांत गरज होती. मात्र ऑक्सिजन न पुरवल्याने त्यांचा मृत्यू झाल्याचा आरोप अंभोरे यांच्या पत्नीने केला आहे.