हिंगोली -औंढा नागनाथ येथील ज्योतिर्लिंग मंगळवारी रात्रीपासून भाविकांसाठी बंद करण्यात आले आहे. मात्र, मंदिरातील नित्य पूजा, कार्यलीन कामकाज आणि स्वच्छता सुरू राहणार आहे. तहसीलदार तथा मंदिर समितीचे अध्यक्ष पांडुरंग माचेवाड यांनी याबाबत माहिती दिली. कोरोना विषाणूच्या पार्श्वभूमीवर हा निर्णय घेण्यात आला.
औंढा नागनाथचे दर्शन बंद
कोरोना विषाणूच्या भीतीमुळे मंदिरातील भाविकांची गर्दी कमी झाली आहे. मंदिर प्रशासनच्यावतीने स्वछता आणि खबरदारी घेण्याच्या सूचना अध्यक्ष तहसीलदार पांडुरंग माचेवाड यांनी अगोदरच दिल्या होत्या. या जीवघेण्या विषाणूमुळे अनेक ठिकाणी सार्वजनिक गर्दी होणार नाही, याची दक्षता घेण्यासाठी प्रशासन सज्ज झाले आहे. त्यामुळे बारा ज्योतिर्लिंगापैकी आठवे ज्योतिर्लिंग असलेल्या औंढा नागनाथ येथील नागनाथ मंदिराचे दरवाजे दर्शनासाठी बंद करण्यात आले आहेत.