हिंगोली- शहरातील सावरकर नगरमध्ये नगर पालिकेच्या पथकाने मंगळवारी अवैधरित्या प्लास्टिकचा वापर करणाऱ्या तीन ठिकाणी छापा मारला आहे. यात एका ठिकाणाहून हजारो रुपये किमतीचा एक वेळ वापरला जाणार प्लास्टिक आणि पाणी पाऊचचा मोठा साठा जप्त करण्यात आला आहे.
माहिती देताना प्राशसकीय अधिकारी श्याम माळवटकर
आठवडा भरापासून नगर पालिकेच्या पथकाने कारवाईचा धडाका लावला आहे. या महिन्यातील ही सहावी कारवाई आहे. नगर पालिका पथकाने तीन ठिकाणी छापा टाकला होता. त्यातील पाणी पाऊच निर्मिती कारखाण्यावर टाकलेल्या छाप्यात पथकाने पाणी पाऊच असलेले ६० पोते जप्त केले आहे. तर, दुसऱ्या दिवशी इंदिरा गांधी चौक येथील देशी दारूच्या दुकानात छापा टाकून तेथूनही पाण्याचे पाऊच जप्त केले आहे. त्याचबरोबर, शहरातील मेघा साडी सेंटर येथे देखील छापा टाकून पथकाने ५० हजार रुपयांचे एक वेळ वापराचे प्लास्टिक जप्त केले आहे.