गोंदिया- पावसाळा सुरू होऊन जुलै महिना लागला असता तरी जिल्ह्यात दमदार पाऊस झाला नाही. मुबलक पावसाविना खरिपातील पिकांची पेरणी झाली नाही. तिरोडा व गोंदिया तालुक्यातील १२५ गावातील भात पिकाचे रोवणीचे कामे खोळबंली आहेत. तर तिरोड तालुक्यात फक्त 5 टक्के भागातच पेरणी झालेली आहे. त्यामुळे आता पाऊस नाही झाला तर शेतकऱ्यांचे खरिपाचे हंगाम वाया जाण्याची शक्यता आहे.
शेतकऱ्यांना कॅनलद्वारे पाणी पुरवठा
ज्या शेतकऱ्यांकडे विहिर व बोरवेल आहेत, त्यांनी पेरणी केली आहे. मात्र, ज्याच्याकडे नाही ते अजूनही पावसाच्या प्रतीक्षेत आहेत. त्यामुळे कॅनलद्वारे शेतकऱ्यांना पाणीपुरवठा करण्यासाठी आमदार विजय राहगडाले यांनी पुढाकार घेतला असून आज तिरोडा तालुक्यातील चार जलाशयाद्वारे शेतीसाठी पाणी सोडण्यात आले.