गोंदियात मालवाहक वाहनाची दुचाकीला धडक; दोघांचा जागीच मृत्यू

गोंदिया येथे मालवाहक आणि दुचाकीच्या अपघातामध्ये दोन दुचाकीस्वारांचा जागीच मृत्यू झाला. मालवाहक चालक सध्या फरार असून पोलिस त्याचा शोध घेत आहेत.

गोंदिया - गोंदियाच्या दिशेने येणाऱ्या मालवाहकाने गोंदियाकडून तिरोडाकडे जाणाऱ्या दुचाकीला धडक दिली. दुचाकीवरील दोघांचा या अपघातामध्ये जागीच मृत्यु झाला आहे. ही घटना तिरोडा येथील अदानी पॉवर प्लांट जवळ घडली.

मृत विष्णू भगत व दिनेश क्षीरसागर (रा. कवलेवाडा) हे आज सायंकाळी गोंदियावरून आपल्या गावी जात होते. मालवाहक चालका विरोधात तिरोडा पोलीस स्थानकामध्ये गुन्हा दाखल करण्यात आला आहे. घटना स्थळावरून फरार झालेल्या चालकाचा तिरोडा पोलीस शोध घेत आहेत. पोलिसांनी दोघांचे मृतदेह तिरोडा येथे शविच्छेदनासाठी पाठवले आहेत.