गोंदिया - कपड्यांच्या आत सेलोटेपने शरीराला दारू चिटकवून रेल्वेने दारू तस्करी करणाऱ्या ३ आरोपींना गोंदिया रेल्वे पोलिसांनी अटक केली आहे. परवेज खान (२७), राहुल कोमरे (३०), जयदेव दोनाडकर, अशी अटक करण्यात आलेल्या आरोपींची नावे आहेत.
गोंदिया रेल्वेस्थानक
गोंदिया-बल्लारशहा गाडीतून कपड्यांच्या आत सेलोटेपने शरीराला दारू चिटकवून ३ आरोपी दारुची तस्करी करत होते. बंदी असलेल्या गडचिरोली-चंद्रपूर जिल्ह्यात हा प्रकार घडल्यामुळे गोंदिया रेल्वे पोलिसांनी या आरोपींना अटक केली. तसेच त्यांच्याकडील १० हजार ७०० रुपये किमतीच्या २१४ देशी दारूच्या बाटल्या जप्त करण्यात आल्या.