विकासच नाही; गोंदियातील सीतेपार ग्रामस्थांचा विधानसभा निवडणुकीवर बहिष्कार

आमगाव तालुक्यातील सीतेपार या गावची लोकसंख्या २०११ च्या जणगणनेनुसार २५०० चे आसपास आहे, तर  आधीच या ग्रामस्थांनी स्थानिक प्रशासनाला याबाबत निवेदन देत येत्या २१ ऑकटोबरला होणाऱ्या निवडणुकीत मतदान करणार नसल्याबाबत निवेदन दिले होते.

गोंदिया -मागील पाच वर्षात स्थानिक आमदारांनी गावाचा विकास केला नसल्याने जिल्ह्यातील देवरी-आमगाव विधानसभा क्षेत्रातील सीतेपार या गावातील ग्रामस्थांनी मतदानावर बहिष्कार टाकत शासनाचे लक्ष वेधले आहे. दोन दिवसांपूर्वीच ईटीव्ही भारतने ही बातमी प्रकाशीत केली होती. या बातमीची प्रशासनाने आणि मतदारसंघातील आमदारांनीही दखल घेत ग्रामस्थांची घेतली होती. परंतु ग्रामस्थ आपल्या निर्णयावर ठाम असून त्यांनी निवडणुकीवर बहिष्कार घातलेला आहे.

आमगाव तालुक्यातील सीतेपार या गावची लोकसंख्या २०११ च्या जणगणनेनुसार २५०० चे आसपास आहे, तर आधीच या ग्रामस्थांनी स्थानिक प्रशासनाला याबाबत निवेदन देत येत्या २१ ऑक्टोबरला होणाऱ्या निवडणुकीत मतदान करणार नसल्याबाबत निवेदन दिले होते. तर स्थानिक प्रशासनाने देखील याच पाठपुरावा करीत समस्या मार्गी लावू, असे आश्वासन दिले होते. मात्र, केवळ आश्वासनावर अवलंबून न राहता काही तरी ठोस पाऊले प्रशासनाने उचलावी, अशी मागणी येथील ग्रामस्थांनी केली होती.

हेही वाचा -बीडमध्ये बोगस मतदारांवरुन राडा, मतदारांना अडवून दमदाटी

अखेर गावातील ८० टक्के ग्रामस्थांनी या निवडणुकीवर बहिष्कार टाकीत मतदान केले नाही. तर काही ग्रामस्थांनी आपल्या मतदानाचा हक्क बजावला आहे. सीतेपार गावाचा विचार केला असता या ठिकाणी प्राथमिक आरोग्य केंद्र नाही, पिण्याचा पाण्याची सोय नाही, तसेच गावातील अंतर्गत रोड, रस्त्याची दुरवस्था झालेली आहे. त्यामुळे या गावातील ग्रामस्थांनी मतदानावर बहिष्कार टाकला आहे.

हेही वाचा -विधानसभा निवडणूक Live : राज्यात आतापर्यंत 34.37 टक्के मतदान, गडचिरोलीत मतदान केंद्रावरील शिक्षकाचा मृत्यू