गोंदिया - महाराष्ट्र राज्य जिल्हा परिषद, नगर परिषद, महानगरपालिका शाळेतील स्वयंपाकीन महिलांना १० महिन्यांऐवजी १२ महिन्यांचे मानधन देण्यात यावे, या मागणीसाठी स्वयंपाकी महिलांनी सोमवारपासुन लक्षवेधी उपोषणाला सुरवात केली. जिल्हा परिषद कार्यालयासमोर हे आंदोलन सुरू करण्यात आले आहे. येत्या २० तारखेपर्यंत हे आंदोलन चालणार आहे.
गोंदिया जिल्हा परिषदेसमोर स्वयंपाकीन महिलांचे धरणे आंदोलन
शाळा व्यवस्थापन समिती दोन महिलांना कामावर घेऊन एका स्वयंपाकी महिलेचे मानधन एक हजार रूपये वाटुन देत आहे. २०० ते ३०० विद्यार्थ्यांमागे तीन महिलांना प्रत्येकी एक-एक हजार रूपये घेण्यास बळजबरी करत आहेत. सदर मानधन अत्यल्प असुनही स्वयंपाकीन महिला व पुरूष शाळांमध्ये पोषण आहार शिजवुन देण्याचे काम करत आहे. म्हणुन स्वयंपाकीन महिलांना किमान वेतन लागु करण्यात यावे, अशी तक्रार आणि मागणी यावेळी स्वयंपाकी महिलांनी केली.