गोंदिया - जिल्ह्यातील सडक-अर्जुनी तालुक्यातील ग्राम सौन्दड येथील शेतकरी जयपाल अंताराम मारवाडे यांच्या शेतात काही महिला धान कापत असताना त्यांना मोठा साप दिसून आला. महिला काही वेळासाठी घाबरल्या. मारवाडे यांनी ही माहिती स्थानिक सर्प मित्र संघर्ष जनबंधू यांना दूरध्वनी वरून संपर्क करून दिली. सर्प मित्र संघर्ष हा आपल्या सहकाऱ्याला घेऊन घटनास्थळी आले. शेतात कापलेल्या धानाच्या कडपात असल्याने त्याला पकडून वनविभागाला सोपवण्यात आले.
शेतात सापडलेल्या सात फुटाच्या अजगरला सर्पमित्राने दिले जीवनदान
वनविभागाने त्या सापाला चार गावच्या जंगलात सोडले. हा साप हा अजगर जातीचा असून लांबी ७ फुट तर् वजन ८.५० किलो होते. सर्प मित्राने त्या सापाला जीवनदान दिले.