गोंदिया- पावसाने दांडी मारल्यामुळे जिल्ह्यात भयानक परिस्थिती निर्माण झाली आहे. पावसाअभावी परे सुकली आहेत. म्हणून शासनाने क्षणाचाही विलंब न लावता धान उत्पादक शेतक-यांना प्रति एकरी २५०० रूपये नुकसानभरपाई द्यावी अन्यथा तीवर आंदोलन करत रस्त्यावर उतरू, अशी मागणी अखिल भारतीय किसान काँग्रेसचे माजी अध्यक्ष व माजी खासदार नाना पटोले यांनी केले आहे.
जिल्हा दुष्काळग्रस्त करून शेतक-यांना हेक्टरी २५ हजाराची मदत करा - नाना पटोले
गेल्या १५ दिवसांपासून पूर्व विदर्भात पावसाने दांडी मारल्यामुळे जिल्ह्यातील शेतकऱ्यांची स्थिती बिकट बनली आहे. धानाचे कोठार म्हणून संबोधण्यात येणाऱ्या जिल्ह्यात पाण्याअभावी धान्याचे पीक करपायला लागले आहे. त्यामुळे येत्या दोन ते तीन दिवसात पाऊस बरसला नाही तर या ठिकाणी स्थिती अजूनच बिकट होणार आहे.