गोंदिया - कोरोनाच्या धास्तीने सोशल मीडियावर फैलावत असणाऱ्या अफवांमुळे कोंबडीचे मास खाणाऱ्यांचे प्रमाण खूप कमी झाल्याने कुक्कुटपालन व्यावसायिकांवर मोठे संकट ओढवले आहे. गोंदियात कुक्कुटपालन व्यावसायिकांनी एकत्र येत कोंबड्याची नुकसान भरपाई मिळावी, यासाठी जिल्हाधिकारी कार्यालयासमोर गुरुवारपासून आमरण उपोषण सुरू केले आहे. मागण्या मान्य होत नाहीत तोपर्यंत उपोषण सुरूच ठेवण्याचा निर्धार त्यांनी केला आहे.
गोंदियात कुक्कुटपालन व्यावसायिक बसले आमरण उपोषणाला
चिकनपासून कोरोना होत नाही, याबाबतीत जनजागृती केली जाते. मात्र, ही भीती नागरिकांच्या मनात घर करून बसली आहे. त्यामुळे होळी सारख्या सणाला देखील कोंबडीच्या मांसाला अपेक्षित अशी मागणी नसल्याने गोंदिया जिल्ह्यातील कुक्कुटपालन व्यवसायाला मोठा फटका बसत असून मोठ्या प्रमाणात मंदी आली आहे. झालेला खर्च तरी काढायचा कसा? हा प्रश्न व्यवसायिकांसमोर उभा राहिला आहे.