गोंदिया- जिल्ह्यातील सालेकसा तालुका अंतर्गत येत असलेल्या कावरबांध गावातील कुंबिटोला येथील 11 वर्षीय मुलाचा तळ्यात बुडून मृत्यू झाला आहे. क्रिस गणेश मच्छीर्क, असे मृत मुलाचे नाव आहे.
ळ्यात पोहायला गेलेल्या 11 वर्षीय मुलाचा बुडून मृत्यू झाला आहे.
आज (शनिवारी) दुपारी कुंबिटोला येथील तळ्यात कावरबांध येथील 5 लहान मुले पोहण्याकरीता गेली होती. यावेळी या पाच मुलांमधून क्रिस गणेश मच्छीर्क या मुलाने पोहायला तळ्यात उडी मारली. मात्र नंतर तो वर आलाच नाही. त्यामुळे सोबत असणाऱ्या मुलांनी आरडा ओरड करत गावकऱ्यांना क्रिस पाण्यात बुडाल्याची माहिती दिली. त्यानंतर गावातील लोकांनी तळ्यात शोध घेतला. काही वेळाने क्रिसला तळ्यातून बाहेर काढण्यात आले. मात्र, तोपर्यंत त्याचा मृत्यू झाला होता.