नवेगावबांध येथे अस्वलाची दहशत

नवेगावबांध येथे मागील चार-पाच दिवसांपासून अस्वालाने धुमाकूळ घातला आहे. त्यामुळे गावात प्रचंड दहशत निर्माण झाली आहे.

गोंदिया - जिल्ह्यातील नवेगावबांध येथे मागील चार-पाच दिवसांपासून अस्वालाने धमाकूळ घातला आहे. त्यामुळे गावात प्रचंड दहशत निर्माण झाली आहे. अनेकांनी गावात धुमाकूळ घालणाऱ्या अस्वलाला रात्री फिरताना पाहीले.

हेही वाचा - गोंदियात पावसाने धानपिकाचे मोठे नुकसान; शेतकरी संकटात
सोमवारी रात्री भारत गॅस एजन्सीसमोर हे अस्वल आढळले. अचानक दिसलेल्या अस्वलामुळे रस्त्याने जाणाऱ्या-येणाऱ्या प्रवाशांची धावपळ उडाली. गॅस एजन्सीसमोरच्या सीसीटीव्हीमध्ये हे कैद झाले आहे. वन विभागाने तत्काळ या अस्वलाचा बंदोबस्त करावा, अशी मागणी ग्रामस्थ करत आहेत.