गोंदिया -कोरोना रुग्णावर अनधिकृतपणे उपचार केल्या प्रकरणी गोंदिया जिल्ह्याच्या गोरेगाव येथील नायरा हॉस्पिटल चालकावर गोरेगाव पोलीस स्टेशनमध्ये गुन्हाची नोंद करण्यात आली आहे.
गोंदियात अवैधरित्या कोविड रुग्णांवर उपचार करणाऱ्या रुग्णालयावर कारवाई
स्थानिक प्रशासनाला कोणतीही माहिती न देता कोविड हॉस्पिटल चालविणे व हॉस्पिटलचा जैविक कचरा इतरत्र फेकणे, या कारणाने नायरा हॉस्पिटलवर दंडात्मक कारवाई करण्यात आली आहे.
गोरेगाव येथील नायरा हॉस्पिटलमध्ये अनधिकृतपणे कोरोना रुग्णावर उपचार सुरु आहे. या हॉस्पिटलमधील जैविक कचऱ्याची विल्हेवाट न लावता हॉस्पिटलच्या परिसरात हा कचरा फेकण्यात येत असल्याची तक्रार स्थानिकांनी प्रशासनाला केली होती. त्यानंतर उपविभागीय अधिकारी, तहसीलदार व पोलीस निरीक्षक यांनी नायरा हॉस्पिटलचा दौरा केल्यानंतर या हॉस्पिटलमध्ये 14 कोरोना रुग्णावर उपचार सुरू होते. स्थानिक प्रशासनाला कोणतीही माहिती न देता कोविड हॉस्पिटल चालविने व हॉस्पिटलचा जैविक कचरा इतरत्र फेकणे, या कारणाने नायरा हॉस्पिटलवर दंडात्मक कारवाई करण्यात आली आहे. दंड न भरल्याने गोरेगाव नगर पंचायतमधील प्रशासकीय अधिकारी आशुतोष कांबळे यांच्या तक्रारीनुसार गोरेगाव पोलिसात गुन्हा दाखल करण्यात आला आहे. तसेच पुढील तपास गोरेगाव पोलीस करत आहे.
हेही वाचा -सावळागोंधळ! पश्चिम बंगालमध्ये मृत घोषित केलेला रुग्ण निघाला जिवंत