गोंदिया - अजमेर- पुरी एक्सप्रेसमधून रेल्वे पोलिसांच्या पथकाने 27 किलो गांजा जप्त केला आहे. पोलिसांना मिळालेल्या गुप्त माहितीच्या आधारे ही कारवाई करण्यात आली असून यामध्ये लाखो रुपये किमतीचा गांजा सापडला आहे.
हेही वाचा -करमाळ्यात अर्धा तास खोळंबली कोणार्क एक्सप्रेस; पोलीस आणि खानपान कर्मचाऱ्याच्यात बाचाबाची
गोंदिया रेल्वे स्टेशनच्या प्लॅटफॉर्म 4 वर अजमेर-पुरी एक्सप्रेस (क्र. 18442) रात्री 12 वाजण्याच्या सुमारास आली. यावेळी रेल्वे सुरक्षा पोलिसांना मिळालेल्या माहितीच्या आधारे गाडीमध्ये (कोच नं. एस-03) सीट क्रमांक 55 वर दोन बॅगमध्ये गांजा सारख्या दिसणारा मादक पदार्थ आढळून आला. रेल्वे सुरक्षा पोलिसांना या बॅग बेवारस अवस्थेत असल्याचे चौकशी केले असता समजले. रेल्वे सुरक्षा पोलिसांनी बॅग ताब्यात घेऊन रेल्वे सुरक्षा पोलीस स्टेशन गोंदिया येथे आणून तपासणी केली असता त्यात गांजा असल्याचे निष्पन्न झाले. जप्त करण्यात आलेल्या दोन्ही बॅग मध्ये एकूण 27.838 किलो गांजा असुन त्यांची अंदाजे किंमत 2 लाख 78 हजार 380 रुपये आहे. या दोन्ही बॅग पोलिसांनी जप्त केल्या असुन अपराध क्र. ३००/२०१९ कलम २० (बी) (२) (सी) एनडीपीएस अ‍ॅक्ट द्वारे गुन्हा नोंद करण्यात आला असून पुढील तपास गोंदिया रेल्वे पोलीस करत आहेत.
हेही वाचा -सोलापूर : कुमठे गावात आढळला तरुणाचा गळफास घेतलेल्या अवस्थेतील मृतदेह