गोंदिया- जिल्ह्यात मोठ्या प्रमाणात आजही जनावरांची अवैधरित्या कत्तलीसाठी विक्री होत आहे. जनावरांना वाहनात कोंबून राज्यात व परराज्यात कत्तलीसाठी नेत असल्याचे प्रकार सुरूच आहेत. अनेक वेळा पोलीस प्रशासनाकडून कारवाई होत असली तरी आजही हा व्यवसाय जोमात सुरू आहे.
जनावरांची अवैध वाहतूक करणाऱ्या १५ जणांना अटक
चंगेरा येथून नागपूरला अवैधरित्या जनावरांना वाहनात कोंबून कत्तलीसाठी नेत असल्याची माहिती स्थानिक गुन्हेशाखेला मिळाली. स्थानिक गुन्हे शाखेने तिरोडा तालुक्यातील दवनीवाडा पोलीस ठाण्यांतर्गत धापेवाडा येथील नाल्याजवळ सात वाहनामध्ये एकूण ३७ जनावरांची अवैधरित्या वाहतूक करून कत्तलीसाठी नेत असल्याची आढळून आले. जनावरांसह ५० लाखाच्या जवळपास मुद्येमाल हस्तगत करण्यात आला असून १५ आरोपींना अटक करण्यात आले. ही कारवाई काल रात्रीच्या दरम्यान करण्यात आली.