गडचिरोली -केंद्र सरकारच्या कामगार धोरणांविरोधात देशव्यापी बंदची हाक देण्यात आली होती. या 'भारत बंद'ला जिल्ह्यात संमिश्र प्रतिसाद मिळाला आहे. यावेळी, विविध विभागातील सहा हजार कर्मचाऱ्यांनी जिल्हाधिकारी कार्यालयावर मोर्चा काढला. जुनी पेन्शन योजना सुरू करण्याची मागणी यावेळी कर्मचाऱ्यांनी केली आहे.
हेही वाचा -मुंबईत 'भारत बंद'चा परिणाम नाही; जनजीवन सुरळीत
कर्मचारी मध्यवर्ती संघटनेतर्फे या मोर्चाचे आयोजन करण्यात आले होते. मोर्चामध्ये जिल्हा परिषद कर्मचारी महासंघ, चतुर्थश्रेणी कर्मचारी महासंघ, प्राथमिक शिक्षक समिती, शिक्षक-शिक्षकेतर कर्मचारी संघटना, अंशदायी पेन्शन कर्मचारी संघटना, शालेय पोषण आहार संघटना, आरोग्य कर्मचारी संघटना, आशा वर्कर संघटना, अशा विविध संघटना सहभागी झाल्या होत्या.
