गडचिरोली -आदिवासी संस्कृती, तसेच आदिवासी समाजातील चालीरीती,लोकनृत्य, येथील पर्यटन स्थळे याबाबत इतरांना माहिती मिळावी व आदिवासी नागरिकांच्या सुप्त गुणांना वाव व चालना मिळण्याकरिता २०२२ एकात्मिक आदिवासी विकास प्रकल्प भामरागड कार्यालय भामरागड यांच्या वतीने 'माडीया सांस्कृतिक महोत्सव- २०२२"
दिनांक २६ ते २८ मे या कालावधीत आयोजित करण्यात आला आहे. या महोत्सवात फक्त गडचिरोली जिल्ह्यातील भाग घेता येणार आहे. महोत्सवाचे उद्घाटन महामहीम राज्यपाल भगतसिंह कोश्यारी यांच्या हस्ते होईल, अशी माहीत अप्पर जिल्हाधिकारी तथा एकात्मिक विकास प्रकल्पाधिकारी अंकित यांनी पत्रकार परिषदेत दिले. यावेळी भामरागडचे तहसीलदार अनमोल काळे,उपविभागीय पोलीस अधिकारी नितीन गणिपुरे, बाल विकास अधिकारी राहुल चव्हाण उपस्थित होते.
भामरागडात होणार माडीया सांस्कृतिक महोत्सव', महामहिम राज्यपाल राहणार उपस्थित