गडचिरोली - नक्षलदृष्ट्या अतिसंवेदनशील सावली येथे पोलीस विभागातर्फे जनजागरण मेळावा घेण्यात आला. यावेळी पोलीस दलाने जिल्ह्यातील बेरोजगार तरुण-तरुणींसाठी विकसित केलेल्या 'रोजगार मेळावा' या अॅपबद्दल माहिती दिली.
गडचिरोली जिल्ह्यातील नक्षलदृष्ट्या अतिसंवेदनशील सावली येथे पोलीस विभागातर्फे जनजागरण मेळावा घेण्यात आला
या अॅपमध्ये गरजू तरूण आपल्या आवडीच्या नोकरी संदर्भात माहिती भरू शकतात. याचा बेरोजगार तरुण-तरुणींना नोकरी मिळण्यासाठी मोठ्या प्रमाणात फायदा होणार आहे. या अॅपमध्ये कंपन्यांनादेखील आपली नाव नोंदणी करता येणार आहे. अप्पर पोलीस अधीक्षक मोहितकुमार गर्ग, उपविभागीय पोलीस अधिकारी जयदत्त भवर यांच्या उपस्थितीत हा मेळावा घेण्यात आला. या मेळाव्यात सावली, मसेली, कोरची, झेंडेपार, मुरकुटी, बिजेपार, कोटरा, जांभळी, दोडके, नवेझरी, लक्ष्मीपूर या गावांतील ४ ते ५ हजार नागरिकांनी सहभाग घेतला.