गडचिरोली -भामरागड तालुक्यातील कोपरशी जंगल परिसरात मंगळवारी सी-60 जवान व नक्षलवाद्यांमध्ये चकमक उडाली. सुमारे दहा ते पंधरा मिनिटे चाललेल्या चकमकीनंतर जवानांचा वाढता दबाव पाहून नक्षलवादी जंगलात पसार झाले.
या चकमकीत काही नक्षलवादी जखमी झाल्याचा अंदाज पोलीस विभागाने वर्तवला आहे. पोलीस दलाचे सी-60 जवान मंगळवारी सायंकाळच्या सुमारास भामरागड तालुक्यातील कोपरशी जंगल परिसरात नक्षलविरोधी अभियान राबवत होते. यावेळी लपून बसलेल्या नक्षलवाद्यांनी जवानांवर गोळीबार सुरू केला.