परतीच्या पावसाने गडचिरोलीत 17 हजार हेक्टरवरील पिकांचे नुकसान

यावर्षीच्या खरीप हंगामात 1 लाख 77 हजार 881 हेक्टर क्षेत्रावर लागवड करण्यात आली होती.  पीक अंतिम टप्प्यात असताना झालेल्या परतीच्या पावसामुळे शेती उद्ध्वस्त झाली. तसेच वादळाने धान पडल्याने यंदा उत्पादनात कमालीची घट होणार आहे.

गडचिरोली- यंदा लांबलेल्या परतीच्या पावसाने राज्यभरात मोठ्या प्रमाणात पिकांना फटका बसला आहे. सततच्या पावसाने जिल्ह्यातील 17 हजार हेक्टरवरील पिकांचे नुकसान झाले आहे. यामधील 16 हजार एकरांवरील पिकांचे 33 टक्क्यांहून जास्त नुकसान झाले असून, सर्वाधिक फटका एटापल्ली तालुक्याला बसला आहे.

यावर्षीच्या खरीप हंगामात 1 लाख 77 हजार 881 हेक्टर क्षेत्रावर लागवड करण्यात आली होती. पीक अंतिम टप्प्यात असताना झालेल्या परतीच्या पावसामुळे शेती उध्वस्त झाली. तसेच वादळाने धान पडल्याने यंदा उत्पादनात कमालीची घट होणार आहे. दक्षिण भागातील तालुक्यांमध्ये सोयाबीन व कापसासाही फटका बसला आहे.

सध्या पंचनाम्यांचे काम पूर्ण झाल्याने यासंबंधी अहवाल लवकरच वरिष्ठांकडे पाठवण्यात येणार असल्याची माहिती मिळत आहे. मात्र, आर्थिक मदतीचा निर्णय होण्यास वेळ लागत असल्याने शेतकरी मदतीच्या प्रतीक्षेत आहेत.

नुकसान झालेले तालुकानिहाय क्षेत्र

गडचिरोली 1200 हेक्टर
धानोरा 1322 हेक्टर
चामोर्शी 658 हेक्टर
मुलचेरा 563 हेक्टर
देसाईगंज 571 हेक्टर
आरमोरी 2006 हेक्टर
कुरखेडा 1427 हेक्टर
कोरची 234 हेक्टर
अहेरी 153 हेक्टर
सिरोंचा 103 हेक्टर
एटापल्ली 8218 हेक्टर
भामरागड 17 हेक्टर