धुळे- पंजाबमधून पिस्तूल विकण्यासाठी आलेल्या संशयितांना सांगवी पोलिसांनी जेरबंद केले आहे. पोलिसांनी आरोपींकडून 8 पिस्तूल, 6 जिवंत काडतूसे व 15 हजार रोख रक्कम असा 5 लाख 20 हजारांचा मुद्देमाल जप्त केला आहे.
पंजाबहून पिस्तूल विकण्यासाठी आलेले तीन संशयित जेरबंद; 8 पिस्तुलासह 6 जिवंत काडतुसे जप्त
पोलिसांनी संशयितांकडून एकूण 5 लाख 32 हजारांचा मुद्देमाल जप्त केला. तर पोलिसांनी तिघांना अटक केली आहे. ही माहिती अप्पर पोलीस अधीक्षक प्रशांत बच्छाव यांनी पोलीस अधीक्षक कार्यालयामध्ये माध्यमांना दिली.
अटकेतील पिस्तूल, आरोपींसह पोलीस अधिकारी व कर्मचारी
पंजाब राज्यातून काही संशयित हे पिस्तूल विक्री करण्याच्या हेतूने महाराष्ट्र व मध्यप्रदेशच्या सीमेलगतच्या भागात आल्याची माहिती सांगवी पोलीस अधिकाऱ्यांना मिळाली होती.
या कारवाईसाठी तात्काळ एक पथक तयार करण्यात आले. या पथकाने पहाटे तीन ते साडेतीन वाजण्याच्या सुमाराला मिळालेल्या माहितीच्या आधारे शोध घेण्यास सुरवात केली.
पिस्तूल विकण्यासाठी आलेले तीन संशयित जेरबंद
गेल्या वर्षभरात पोलिसांनी जप्त केली २० बेकायदेशीर शस्त्रे
गेल्या वर्षभरात धुळे जिल्हा पोलिसांनी विविध ठिकाणांहून सुमारे 20 बेकायदेशीर शस्त्रे पोलिसांनी ताब्यात घेतली आहेत. पोलिसांनी बेकायदेशीर शस्त्रांवर कारवाया केल्या असल्या तरी मुख्य सुत्रधारापर्यंत पोहोचण्यात पोलिसांना यश आलेले नाही.
Last Updated : Dec 22, 2020, 3:37 PM IST