धुळे - कोरोनाच्या महामारीमध्ये दीड हजार डॉक्टरांचा मृत्यू झाला आहे. कोरोना काळात आपल्या जिवाची पर्वा न करता डॉक्टरांनी रुग्णांवर उपचार केले. मात्र डॉक्टरांवर जीवघेणे हल्ले होत आहेत. याचा निषेध करण्यासाठी इंडियन मेडिकल असोसिएशनच्या (आयएमए) वतीने धुळ्यात आंदोलन करण्यात आले.
डॉक्टरांवर हल्ला करणाऱ्यांवर कठोर कारवाईची मागणी
केंद्र सरकारने डॉक्टरांवर होणाऱ्या हल्ल्यांच्या विरोधात कठोर पावले उचलावीत, अशी मागणी संघटनेचे पदाधिकारी डॉ. रवी वानखेडकर यांनी केली. धुळे शहरासह जिल्ह्यातील नामांकित डॉक्टरांनी या आंदोलनामध्ये सहभाग नोंदवला. संपूर्ण देशात डॉक्टरांवर होत असलेल्या हल्ल्यांच्या विरोधात निषेध दिवस पाळण्यात आल्याचे डॉक्टर वानखेडकर यांनी यावेळी सांगितले. डॉक्टरांवर होणारे हल्ले थांबवण्यासाठी समाजातील सर्वच घटकांनी पुढे येणे गरजेचे असल्याचे त्यांनी सांगितले. केंद्र सरकारच्या लसीकरण मोहिमेला बदनाम करणाऱ्यांविरोधात कठोर कारवाई करण्याची गरज असल्याची मागणी यावेळी आयएमएने केली.
आंदोलक डॉक्टरांच्या प्रमुख मागण्या
हेही वाचा -अँटिलिया स्फोटक प्रकरणात आतापर्यंत १० जणांना अटक; 'हे' आहेत खलनायक