धुळे -मुख्यमंत्री उद्धव ठाकरे यांचा एकेरी उल्लेख केल्याच्या निषेधार्थ नारायण राणे यांच्या प्रतिकात्मक पुतळ्याचे शिंदखेडा तालुक्यातील दोंडाईचा येथे शिवसेनेच्या वतीने दहन करण्यात आले. नारायण राणेंवर कठोर कारवाई करावी, अशी मागणी यावेळी शिवसैनिकांनी केली.
मुख्यमंत्री हे घटनात्मक पद असून ते महाराष्ट्र राज्यातील तमाम जनतेचे प्रतिनिधित्व करते. तसेच, अत्यंत प्रतिकूल परिस्थितीत अत्यंत सक्षमपणे महाराष्ट्र राज्याला संकटातून बाहेर काढणारे मुख्यमंत्री उद्धव ठाकरे यांचा चुकीच्या पद्धतीने उल्लेख केल्यामुळे महाराष्ट्रातील जनतेच्या भावना दुखावल्या आहे. सर्व शिवसैनिक तसेच जनतेचा अपमान झाला आहे. त्यामुळे, नारायण राणे यांच्या प्रतिकात्मक पुतळ्याचे दहन करून त्यांच्या विरोधात घोषणाबाजी केली. राणे यांच्यावर कायदेशीर गुन्हा दाखल करून कठोर कार्यवाही करण्यात यावी, अशी मागणी दोंडाईचा शिवसेना तर्फे करण्यात आली आहे.
हेही वाचा-स्थानिकांना रोजगार देण्याची मागणी, नरडाना एमआयडीसीत राष्ट्रवादी काँग्रेसचे आंदोलन
