धुळे -सेतू कार्यालयातील एका ३५ वर्षीय कर्मचारी महिलेसमोर लज्जास्पद कृत्य करणारे पिंपळनेरचे तहसीलदार विनायक थविल यांच्यावर शुक्रवारी विनयभंगाचा गुन्हा दाखल करण्यात आला. तसेच त्यांचा हस्तक संदीप मुसळे याच्याविरुद्धही पोलिसांनी गुन्हा दाखल केला.
महिलेसमोर लज्जास्पद कृत्य करण्याचा प्रयत्न -
अपर तहसीलदार थविल हे नेहमी काहीतरी कामाच्यानिमित्ताने या महिलेला सायंकाळ नंतर घरी बोलावयाचे. परंतु त्या महिलेने कुठल्याच मागणीला दाद दिली नाही. काही दिवसांपूर्वी थविल याने संदीप मुसळे याच्या माध्यमातून या महिलेला भेटीसाठी बोलविले होते. दरम्यान, ती महिला कामानिमित्त अपर तहसीलदारांच्या दालनात गेली असता, तिच्यासमोर लज्जास्पद कृत्य करण्याचा प्रयत्न थविल यांनी केला. अखेर या त्रासाला कंटाळून महिलेने पिंपळनेर पोलिसांत तहसीलदार आणि त्यांच्या हस्तकाविरुद्ध गुन्हा दाखल केला.