चंद्रपूर : माल वाहतूक करणाऱ्या ट्रकला अचानक आग लागल्यानं एकच खळबळ उडाली. चंद्रपूर-नागभीड मार्गावरून जीवनावश्यक साहित्याची वाहतूक करणारा हा ट्रक मार्गातील तळोधी गावात येताच ट्रकमध्ये धूर दिसू लागला. त्यामुळं ट्रकला एका मैदानात वळवण्यात आलं. आग वाढत असतानाच नागरिकांनी पाण्याचा फवारा मारायला सुरुवात केली. पण पाणी आगीपर्यंत पोचत नसल्यानं व अग्निशमन बंब उपलब्ध नसल्यानं पोलिसांनी जेसीबीच्या साह्यानं हा ट्रक उलटवला. त्यानंतर परिस्थिती नियंत्रणात आली. सुदैवानं जीवहानी टळली असून ट्रकमधील साहित्य काही प्रमाणात जळाले.
नागभीड मार्गावर धावत्या ट्रकने घेतला पेट आज दुपारच्या सुमारास ही घटना घडली. सध्या चंद्रपूर जिल्ह्यात तापमानात वाढ होताना दिसत आहे. राज्यातील सर्वात उष्ण जिल्हा म्हणून चंद्रपूर जिल्ह्याची ओळख आहे. त्यामुळे या काळात अनेक अपघात घडत असतात. आज असाच अपघात चंद्रपूर-नागभीड मार्गावर घडला. माल वाहतूक करणाऱ्या ट्रकने अचानक पेट घेतला. जीवनावश्यक वस्तूची वाहतूक करणारा हा ट्रक होता. तळोधीजवळ हा अपघात घडला. आग वाढत असताना काही विपरीत घटना घडू नये यासाठी ट्रकला मैदानात नेण्यात आले. यावेळी नागरिकांनी पाण्याचा पाण्याचा मारा केला. मात्र आग विझली नाही. अखेर जेसीबीच्या मदतीने हा ट्रक उलटवला आणि आणि आग विझविण्यात यश आले.
