चिमूरमध्ये वीज टॉवरवरून पडून विद्यार्थ्याचा मृत्यू

बलदेव खिरटकर यांच्या शेतात दुपारच्या सुमारास हा मृतदेह आढळला. दरम्यान या घटनेची शंकरपूर पोलीस ठाण्यात देण्यात आली. घटनेची माहिती मिळताच पोलिसांनी घटनास्थळी पोहोचून पंचनामा केला. तर पोलीस हा अपघात आहे की, आत्महत्या याचा तपास करत आहेत.

चंद्रपूर- चिमूर तालुक्यातील शंकरपूर येथे एका विद्यार्थ्याचा मृतदेह आढळून आल्याची घटना घडली. शिवम मनोहर भानारकर (वय 15) असे या विद्यार्थ्याचे नाव आहे. या विद्यार्थ्याचा वीज टॉवरवरून पडून मृत्यू झाल्याची प्राथमिक माहिती आहे. मात्र, या विद्यार्थ्याने आत्महत्या केली आहे, की अपघात आहे. याचा तपास पोलीस करत आहेत.

हेही वाचा -मुलाचा खून करून वडिलांचे आत्मसमर्पण, बल्लारपूर येथील घटना

याबाबत अधिक माहिती अशी की, बलदेव खिरटकर यांच्या शेतात दुपारच्या सुमारास हा मृतदेह आढळला. दरम्यान या घटनेची शंकरपूर माहिती पोलीस ठाण्यात देण्यात आली. त्यानंतर पोलिसांनी घटनास्थळी पोहोचून पंचनामा केला. तर पोलीस हा अपघात आहे की, आत्महत्या याचा तपास करत आहेत.

हेही वाचा - "तो" तळीराम शिक्षक निलंबित; मुख्य कार्यकारी आधिकाऱ्यांची कार्यवाही

भिसी पोलीस ठाण्यातंर्गत येणाऱ्या शंकरपूर येथील बलदेव खिरटकर यांच्या शेतामध्ये वीज टॉवर आहे. या टॉवर जवळून जात असताना शेजारील शेतकरी वसंता कोल्हे यांना गावातील शिवम मनोहर भानारकर हा विद्यार्थी टॉवरखाली मृतावस्थेत पडलेला दिसला. त्यावेळी त्यांनी घटनेची शंकरपूर पोलिसांना माहिती दिली.

तर पोलिसांनी शिवमचा मृतदेह शवविच्छेदनासाठी उपजिल्हा रुग्णालय चिमूर येथे पाठवला आहे. शिवमच्या मृत्यूचे कारण अजून स्पष्ट झाले नसून पुढील तपास भीसीचे पोलीस निरीक्षक गभने यांच्या मार्गदर्शनात पोलीस कर्मचारी लोटकर करत आहेत.