दिलासादायक! चंद्रपुरात कोरोनाबांधितांपेक्षा रुग्ण बरे होण्याचे प्रमाण अधिक

आरोग्य विभागाच्या प्राप्त अहवालानुसार 24 तासात कोरोनाबाधितांपेक्षा बरे होणाऱ्यांची संख्या 207 पेक्षा अधिक आहे. जिल्ह्यात 355 जणांनी कोरोनावर मात केल्याने त्यांना रुग्णालयातून सुटी देण्यात आली आहे, तर 148 जण नव्याने कोरोनाबाधित आढळले आहेत. तसेच 11 बाधितांचा जिल्ह्यात मृत्यू झाला आहे.

चंद्रपूर -जिल्ह्यात गेल्या काही दिवसांपासून कोरोनाबाधितांपेक्षा बरे होणाऱ्याची संख्या सातत्याने वाढत आहे. आरोग्य विभागाच्या प्राप्त अहवालानुसार 24 तासात कोरोनाबाधितांपेक्षा बरे होणाऱ्यांची संख्या 207 पेक्षा अधिक आहे. जिल्ह्यात 355 जणांनी कोरोनावर मात केल्याने त्यांना रुग्णालयातून सुटी देण्यात आली आहे, तर 148 जण नव्याने कोरोनाबाधित आढळले आहेत. तसेच 11 बाधितांचा जिल्ह्यात मृत्यू झाला आहे.

बाधितांची आकडेवारी

आज (बुधवारी) एकूण 2615 रिपोर्ट प्राप्त झाले. यापैकी 148 पॉझिटिव्ह तर 2467 जणांचे रिपोर्ट निगेटिव्ह आले. बाधित आलेल्या 148 रुग्णांमध्ये चंद्रपूर महानगर पालिका क्षेत्रातील 18, चंद्रपूर तालुका 17, बल्लारपूर 33, भद्रावती 13, ब्रम्हपुरी 2, नागभिड 5, सिंदेवाही 2, मूल 9, सावली 1, पोंभूर्णा 4, गोंडपिपरी 2, राजूरा 16, चिमूर 2, वरोरा 7, कोरपना 13, जिवती 2 व इतर ठिकाणच्या 2 रुग्णांचा समावेश आहे. आज मृत झालेल्यांमध्ये चंद्रपूर शहरातील सिद्धार्थनगर येथील 49 वर्षीय पुरुष, पद्मापूर येथील 53 वर्षीय महिला, नरेंद्र नगर वार्ड येथील 60 वर्षीय पुरुष, बल्लारपूर तालुक्यातील 67 वर्षीय पुरुष, भद्रावती तालुक्यातील किल्ला वार्ड येथील 58 वर्षीय पुरुष, वरोरा तालुक्यातील 27 वर्षीय पुरुष, 54 वर्षीय पुरुष, मूल तालुक्यातील 53 वर्षीय महिला, नागभीड तालुक्यातील किशोर नगर येथील 45 वर्षीय पुरुष, गोंडपिपरी तालुक्यातील करंजी येथील 75 वर्षीय पुरुष तर गोंदिया तालुक्यातील अर्जुनी मोरगाव येथील 60 वर्षीय महिलेचा समावेश आहे.

जिल्ह्यातील आतापर्यंतची आकडेवारी

जिल्ह्यात आतापर्यंत एकूण बाधितांची संख्या 83 हजार 51 वर पोहोचली आहे. तसेच सुरूवातीपासून आतापर्यंत बरे झालेल्यांची संख्या 79 हजार 471 झाली आहे. सध्या 2 हजार 115 बाधितांवर उपचार सुरू आहेत. आतापर्यंत 4 लाख 76 हजार 246 नमुन्यांची तपासणी करण्यात आली असून त्यापैकी 3 लाख 90 हजार 544 नमुने निगेटीव्ह आले आहेत. जिल्ह्यात आतापर्यंत 1465 बाधितांचे मृत्यू झाले असून यापैकी चंद्रपूर जिल्ह्यातील 1357, तेलंगणा दोन, बुलडाणा एक, गडचिरोली 38, यवतमाळ 50, भंडारा 11, वर्धा एक, गोंदिया तीन आणि नागपूर येथील दोन बाधिताचा समावेश आहे.

हेही वाचा-ठाण्यात हाय प्रोफाईल सेक्स रॅकेटचा पर्दाफाश.. दोन अभिनेत्रींसह पाच जणांना अटक