चंद्रपूर - गरिबांच्या घरासमोर कधी चौकीदार पाहिला का? मोदींनी फक्त श्रीमंत लोकांची चौकीदारी केली, असा घणाघात चंद्रपुरात राहुल गांधींनी मोदींवर केला. २०१४ मध्ये मला चौकीदार करा म्हणणाऱ्या मोदींनी पाच वर्षे देशातील श्रीमंताची चौकीदारी केली. अंबानी, अदानींनी देशाल लुटले आणि देशाचा पंतप्रधान त्यांची चौकीदारी करत होता, असे ते यावेळी म्हणाले.
प्रत्येकाला १५ लाख रुपये देण्याचे आश्वासन मोदींनी केले होते मात्र ते देऊ शक्य नाहीत. मात्र, आम्ही आमचे सरकार आले तर गरिबांना ७२ हजार नक्की देऊ. नरेंद्र मोदी उद्योगपतींना लाखो कोट्यवधी रूपयांचे कर्ज देतात मात्र त्याच्यांकडे शेतकऱ्यांचे कर्जमाफ करण्यासाठी पैसे नाहीत. त्यांना शेतकऱ्यांपेक्षा उद्योगपतींबद्दल जास्त लळा आहे. आधी अच्छे दिनचा नारा होता, या निवडणुकीच्या वेळी चौकीदार चोर है हा नारा आहे. यातूनच मोदींना लोक किती वैतागले आहेत हे दिसून येते असेही राहुल गांधी यांनी म्हटले आहे. यावेळी चौकीदार चोर है या घोषणाही देण्यात आल्या.