चंद्रपूर -दवाखान्यात तपासणी करण्यासाठी 27 वर्षीय राखी निखिल ठावरी ही गर्भवती महिला आपल्या पतीसोबत दुचाकीवरून निघाली होती. त्यांच्यासोबत पाच वर्षीय मुलगी कनक ठावरी व तीन वर्षीय लक्ष असे हे चारजण दुचाकीवरून (क्रमांक MH 34 BQ 2057) पडोलीकडे जात होते. त्यावेळी घुग्घुस वरून पडोलीकडे येणाऱ्या ट्रकने (क्रमांक MH 40 BL 5827) ठावरी यांच्या दुचाकीला मागून जोरदार धडक ( Truck Two wheeler Accident ) दिली. धडक इतकी जोरदार होती की यात तीन वर्षीय लक्ष्य व गर्भवती नम्रता जागीच ठार ( pregnent women and son died ) झाले.
दोघे जखमी -ट्रकने दिलेल्या जोरदार धडकेत दुचाकीवरील चौघेही खाली पडले. यात नम्रता आणि तीन वर्षांचा मुलगा लक्ष्य हे जागीच ठार झाले. तर पती निखिल ठावरी व पाच वर्षीय कन्या कनक हे दोघे या अपघातामध्ये गंभीर जखमी झाले. हे सर्व लहुजी नगरचे राहणारे आहेत. अपघातानंतर घटना घडली त्या खुटाळा गावातील नागरिक संतप्त झाले होते. ट्रक चालकाला पडोली पोलिसांनी ताब्यात घेतले आहे. त्याच्यावर भादवि कलम 279, 337, 304 अंतर्गत गुन्हा नोंदविण्यात आला आहे.