चंद्रपूर -जगभरात कोरोनाने धुमाकूळ घातला आहे. राज्यातही कोरोना बाधितांची संख्या वाढत आहे. कोरोनाचा प्रादुर्भाव कमी करण्यासाठी बहुतांशी ठिकाणी जमावबंदी लागू आहे. याचा फटका पूर्वनियोजित लग्न समारंभांना बसला आहे. काही सुज्ञ आणि कर्तव्यदक्ष नागरिक आपले समारंभ रद्द करुन शासनाला सहकार्य करत आहेत. चंद्रपूर जिल्ह्यातील एका पोलीस कर्मचाऱ्यानेही असाच सुज्ञपणा दर्शवत काही दिवसांवर येऊन ठेपलेला आपला लग्न सोहळा पुढे ढकलला आहे. हेमराज किसन गुरनुले असे या पोलीसाचे नाव आहे.
पोलीसाने लग्न सोहळा केला स्थगित
महाराष्ट्रातील अनेक शहरात कोरोनाचे रुग्ण आढळल्याने प्रत्येक जण काळजी घेताना दिसत आहे. चंद्रपूर जिल्ह्यातही जमावबंदी कायदा लागू करण्यात आला आहे. गोंडपिंपरी तालूक्यातील धाबा उप पोलीस ठाण्यात कार्यरत असलेल्या हेमराज किसन गुरनुले यांनी आपल्या लग्नाला स्थगिती दिली आहे.