चंद्रपूर- घुग्गुस शहराच्या मध्यभागी असलेल्या लॉयड मेटल या कारखान्यात आज पुन्हा एकदा एका कर्मचाऱ्याचा नाहक बळी गेला. प्रथम पाळीमध्ये कार्यरत भोला पचारे नामक कामगार कन्व्हेअर बेल्टमध्ये येऊन चिरडला गेल्याने त्याचा जागीच मृत्यू झाला. पंधरा दिवसांतील ही दुसरी घटना आहे.
हेही वाचा - 'सीएए'च्या समर्थनार्थ हिंदुराष्ट्र सेनेचे आंदोलन, पोलिसांकडून आंदोलकांची धरपकड
कामगार मरण पावल्याची घटना गावात पसरतास लॉयड मेटल्सच्या कारखान्याच्या मुख्य द्वाराजवळ गावकरी, नातेवाईक पोचले. त्यामुळे येथे तणावाचे वातावरण निर्माण झाले. यापूर्वी १६ जानेवारीला सुद्धा विद्युत तारेच्या स्पर्शाने एका वाहन चालकाचा मृत्यू झाला होता. यावेळी मृताच्या कुटुंबाला 40 लाखांची मदत देण्याचे मान्य करण्यात आले होते. कंपनीच्या बेजबाबदारपणामुळेच या दोन्ही घटना घडत असल्याचे समोर आले आहे. कंपनी व्यवस्थापनाने मृताच्या कुटुंबाला ५५ लाखांची मदत देण्याचे आश्वासन देण्यात आले आहे.
मृताचे नातेवाईक विवेक बोढे, रोशन पचारे, पवन अगधारी, ईबादुल सिद्धीकी, मुन्ना लोंढे व प्रशासन तर्फ मेहता ठाणेदार सत्यजीत आमले यांनी तडजोड करून मृताच्या नातेवाईकांना ५५ लाख रुपये सानुग्रह रक्कम देण्याचे कबूल केल्यानंतर वातावरण शांत झाले.
