चंद्रपूर- कर्तव्यावर असताना वाळूच्या ढिगाऱ्याखाली येऊन वेकोली येथील कर्मचाऱ्याचा मृत्यू झाला आहे. ही घटना आज शहरातील महाकाली कोळसा खाणीत घडली. कर्मचाऱ्याचे नाव माधव कोपुलवार असून या घटनेमुळे कर्मचाऱ्यांच्या सुरक्षेचा प्रश्न पुन्हा ऐरणीवर आला आहे.
वाळूच्या ढिगाऱ्यात दबून वेकोलीतील कर्मचाऱ्याचा मृत्यू
माधव कोपुलवार (वय.५३) हे नेहमीप्रमाणे आज सकाळी कामावर गेले होते. कर्तव्यावर असताना अचानक वाळूचा ढिगारा कोसळला आणि त्यात ते दबले गेले. घटनेची माहिती वेकोली कर्मचाऱ्यांना मिळताच त्यांनी घटनास्थळी धाव घेतली आणि कोपुलवार याना वाळूच्या ढिगाऱ्यातून बाहेर काढले. मात्र, या दरम्यान त्यांचा मृत्यू झाला होता.