राजूरा (चंद्रपूर)- घरात कोणी नसल्याची संधी साधत चोरट्याने हात साफ केल्याची घटना तालुक्यातील वडकुली येथे घडली. चोरांनी घरातून 5 हजार रोख रकमेसह अंदाजे 45 हजार रुपयांचे सोने चोरून नेले आहे. या प्रकरणाचा तात्काळ तपास करून मुद्देमाल हस्तगत करण्यात पोलिसांना यश आले आहे. संतोष आत्राम असे अटक करण्यात आलेल्या आरोपीचे नाव आहे.
वडकुली येथील सीताबाई हिंगणे यांच्या घरी शुक्रवारी ही चोरी झाली होती. सीताबाई हिंगाणे या शुक्रवारी सकाळी शेतात कामासाठी गेल्या होत्या. सायंकाळी घरी परतल्या असता, त्यांना घराचे कुलूप तुटलेल्या अवस्थेत पाहायला मिळाले.