चंद्रपूरमध्ये आज 119 जणांना कोरोना, 7 मृत्यू; 377 कोरोनामुक्त

चंद्रपूर जिल्ह्यात आज 119 नवीन कोरोना रुग्ण आढळले, 7 रुग्णांचा मृत्यू झाला आहे. आज कोरोनामुक्तांची संख्या जास्त आहे. दरम्यान, चंद्रपूर जिल्ह्याची एकूण रुग्णसंख्या 82 हजार 903 वर पोहोचली आहे.

चंद्रपूर - जिल्ह्यात बरे होणाऱ्या कोरोना रुग्णसंख्येत लक्षणीय वाढ होत आहे. गेल्या 24 तासात जिल्ह्यात बाधितांपेक्षा बरे होणाऱ्यांची संख्या जास्त आहे. आरोग्य विभागाच्या प्राप्त अहवालानुसार, जिल्ह्यात 377 जणांनी कोरोनावर मात केल्याने त्यांना रुग्णालयातून सुटी देण्यात आली आहे. 119 जण नव्याने कोरोना पॉझिटिव्ह आले आहेत. तर 7 बाधितांचा जिल्ह्यात मृत्यू झाला आहे.

आज 119 जणांना कोरोना

आज (1 जून) एकूण 1962 रिपोर्ट प्राप्त झाले. यापैकी 119 पॉझिटिव्ह, तर 1843 जणांचे रिपोर्ट निगेटिव्ह आले. 119 रुग्णांमध्ये चंद्रपूर महानगर पालिका क्षेत्रातील 28, चंद्रपूर तालुका 11, बल्लारपूर 31, भद्रावती 7, ब्रम्हपुरी 6, नागभिड 4, मूल 7, गोंडपिपरी 3, राजूरा 12, चिमूर 1, वरोरा 1, कोरपना 6 आणि इतर ठिकाणच्या 2 रुग्णांचा समावेश आहे. आज मृत्यू झालेल्यांमध्ये बल्लारपूर तालुक्यातील 51 वर्षीय पुरुष, वरोरा तालुक्यातील 42 वर्षीय पुरुष, भद्रावती तालुक्यातील घोट निंबाळा येथील 55 वर्षीय महिला, कोरपना तालुक्यातील पिपरी येथील 52 वर्षीय पुरुष, गोंडपिपरी तालुक्यातील सोमनपल्ली येथील 65 वर्षीय महिला आणि यवतमाळ जिल्ह्यातील इंदिरा चौक वणी येथील 62 वर्षीय महिला, तर 60 वर्षीय महिलेचा समावेश आहे.

चंद्रपूरची रुग्णसंख्या 82 हजार 903

चंद्रपूर जिल्ह्यात आतापर्यंत एकूण बाधितांची संख्या 82 हजार 903 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 79 हजार 116 झाली आहे. सध्या 2 हजार 333 बाधितांवर उपचार सुरू आहेत. आतापर्यंत 4 लाख 73 हजार 644 नमुन्यांची तपासणी करण्यात आली. त्यापैकी 3 लाख 88 हजार 63 नमुने निगेटिव्ह आले आहेत. जिल्ह्यात आतापर्यंत 1454 बाधितांचे मृत्यू झाले. यापैकी चंद्रपूर जिल्ह्यातील 1347, तेलंगणा 2, बुलडाणा 1, गडचिरोली 38, यवतमाळ 50, भंडारा 11, वर्धा 1, गोंदिया 2 आणि नागपूर येथील 2 रुग्णांचा समावेश आहे.

हेही वाचा -पोलीस दलास मिळणार पोर्टेबल ऑफिस कॅबिन, रस्त्यावरील ड्युटी दरम्यान पडणार उपयोगी