चंद्रपूर - सरकारी कोळसा कंपनी WCL (western coalfield limited)अंतर्गत काम करणाऱ्या जीआरएन कन्सट्रक्शन कंपनीच्या कार्यालयात मनसेने राडा केला. यात ऑफिसची पूर्णपणे तोडफोड केली. स्थानिकांना रोजगार देण्यात ही कंपनी कुचराई करत असल्याचा आक्षेप घेत ही तोडफोड करण्यात आली.
जीआरएन कंपनीत मनसेचा राडा
स्थानिकांना रोजगार देण्याची मनसेची मागणी
दुर्गापूर पोलीस ठाण्याअंतर्गत येणाऱ्या भटाळी येथे वेकोलीची कोळसा खाण आहे. येथे जीआरएन ही कंपनी कोळसा खाणीवर खोदकाम करते. या कंपनीत स्थानिकांना रोजगार देण्यात यावा अशी मागणी मनसेची होती. याबाबत अनेक निवेदने दिली मात्र, कंपनीने याला जुमानले नाही असा आरोप मनसेचा आहे. यामुळेच आज मनसेचे शहरप्रमुख मनदीप रोडे यांच्या नेतृत्वात अनेक मनसे कार्यकर्ते कंपनी कार्यालयात धडकले. यावेळी अधिकारी गैरहजर होते. यानंतर मनसेच्या कार्यकर्त्यांनी तोडफोड सुरू केली.