ETV Bharat Maharashtra

महाराष्ट्र

maharashtra

ETV Bharat / state

Chandrapur Lok Sabha : काँग्रेसने केले स्पष्ट; लोकसभेची उमेदवारी धानोरकर कुटूंबालाच - Chandrapur Lok Sabha

खासदार बाळू धानोरकर यांच्या निधनानंतर उमेदवारी मिळण्यासाठी अनेकजण प्रयत्न करीत असले तरी काँग्रेसच्या परंपरेला तडा जाणार नाही. ही उमेदवारी केवळ धानोरकर कुटुंबालाच मिळेल. यासाठी जिल्हाध्यक्ष म्हणून सर्व संघटन त्यांच्या पाठीशी खंबीर उभे आहे अशी स्पष्टोक्ती काँग्रेसचे ग्रामीण जिल्हाध्यक्ष आमदार सुभाष धोटे यांनी दिली आहे.(Chandrapur Lok Sabha)

District President Subhash Dhote Mrs. Dhanorkar presenting the role of Congress
काॅंग्रेसची भुमिका मांडताना जिल्हाध्यक्ष सुभाष धोटे श्रीमती धानोरकर
author img

By

Published : Jul 18, 2023, 1:15 PM IST

चंद्रपूर : एखाद्या लोकप्रतिनिधीचे आकस्मिक निधन झाले की जागा त्याच कुटुंबातील उमेदवाराला दिली जाते, अशी काँग्रेसची परंपरा आहे. खासदार बाळू धानोरकर यांच्या निधनानंतर उमेदवारी बाबत समाजात संभ्रम निर्माण होत असल्याने सुभाष धोटे यांनी आपली भूमिका मांडली. यावेळी दिवंगत खासदार बाळू धानोरकर यांच्या पत्नी आमदार प्रतिभा धानोरकर, शहर जिल्हाध्यक्ष रामू तिवारी आदींंची उपस्थिती होती.



पाच वर्षांत एकही बैठक नाही :गेल्या पाच वर्षांत जिल्हास्थानी एकही बैठक झाली नसल्याची खंत अनेक तालुकाध्यक्षांनी व्यक्त केली. त्यामुळे आता सर्व तालुक्यांचे दौरे करण्यात येतील. चिंतन शिबिरे घेतली जातील. सर्व पदाधिकाऱ्यांना सोबत घेत चंद्रपूर शहरातील प्रभागात बैठका आयोजित करण्यात येतील. सप्टेंबर महिन्याच्या शेवटी किंवा नंतरच्या पहिल्या आठवड्यात चंद्रपुरात मोठे शिबिर आयोजित केले जाणार आहे. या शिबिराला राष्ट्रीय पदाधिकारी मुकुल वासनिक, प्रदेशाध्यक्ष नाना पटोले यांच्यासह अनेक वरिष्ठ नेते उपस्थित राहणार आहेत. अशी माहितीही त्यांनी यावेळी दिली.



प्रदेश कार्यालयाकडे तक्रार: आमदार प्रतिभा धानोरकर यांना दिवंगत खासदार बाळू धानोरकर यांची उणिव भासू दिली जाणार नाही. माजी मंत्री विजय वडेट्टीवार यांनासुद्धा सोबत घेतले जाईल. चिमूर, बल्लारपूर आणि चंद्रपूर विधानसभेत लक्ष केंद्रित केले जाणार आहे. पक्षातील वातावरण दुषित करणाऱ्याची प्रदेश कार्यालयाकडे तक्रार केली जाणार असल्याचेही धोटे यांनी सांगितले.

मुनगंटीवारांनी संकुचित भावना सोडावी :पालकमंत्री सुधीर मुनगंटीवार हे केवळ बल्लारपूर विधानसभा क्षेत्रातच निधी उपलब्ध करून देत आहेत. हा प्रकार अनेक योजनांसदर्भात सुरू आहे. जिल्ह्याचे पालकत्व असलेल्या मुनगंटीवारांनी संकुचित भावना बाळगू नये, असा सल्लाही धोटे यांनी यावेळी दिला आहे.



शेवटच्या श्वासापर्यंत काँग्रेसमध्येच :आमदार प्रतिभा धानोरकर यांनी शेवटच्या श्वासापर्यंत काँग्रेसमध्येच राहणार आहे. याच पक्षाच्या तिकीटावर आगामी निवडणूक लढणार असल्याचे सांगितले. यावेळी महिला ग्रामीण जिल्हाध्यक्ष नम्रता ठेमस्कर, शहर जिल्हाध्यक्ष चंदा वैरागडे, दिनेश चोखारे, के. के. सिंग, राकेश रत्नावार, सुभाषसिंग गौर, घनश्याम मुलचंदानी, घनश्याम येनूरकर आदींची उपस्थिती होती.

  1. हेही वाचा :
    Ammunition Export From India: चांदा आयुध निर्माणीमुळे देशाला मिळणार ८० कोटींचे परकीय चलन, 'हे' उत्पादन केले निर्यात
  2. Sonia Gandhi Balu Dhanorkar Family : 'गांधी कुटुंबीय तुमच्या सोबत', सोनिया गांधींनी दिला धानोरकर कुटुंबियांना धीर

ABOUT THE AUTHOR

...view details