कामगार कल्याण अधिकांऱ्याची टोलवाटोलवी; नोंदणीकृत कामगारांमध्ये असंतोष कायम

नोंदणीकृत कामगारांना सुरक्षा साहित्याचे संच देण्यात आले होते. मात्र, आता हे संच वाटप थांबल्याने तसेच कामगार कल्याण अधिकांऱ्याच्या अनास्थेमुळे तालुक्यातील नोंदणीकृत कामगारांना दररोज संचाकरिता फेऱ्या माराव्या लागत आहेत.

चंद्रपूर- असंघटिक बांधकाम कामगार कल्याण योजनांचा लाभ मिळण्यासाठी चिमूर तालुक्यात कामगार नोंदणी करण्यात आली. यावेळी नोंदणीकृत कामगारांना सुरक्षा साहित्याचे संच देण्यात आले होते. मात्र, आता हे संच वाटप थांबल्याने तसेच कामगार कल्याण अधिकांऱ्याच्या अनास्थेमुळे तालुक्यातील नोंदणीकृत कामगारांना दररोज संचाकरिता फेऱ्या माराव्या लागत आहेत. यामुळे कामगार कल्याण विभागाबद्दल स्थानिक कामगारांत असंतोष आहे.

शासनाच्या श्रमिक कल्याण विभागातर्फे बांधकाम कामगार कल्याण उपकर अधिनियमानुसार विविध आस्थापना, विकासक यांच्याकडून ९ टक्के उपकर वसूल करण्यात येतो.

हेही वाचाचिमूर तालुक्यातील चिखलपार गावाचा संपर्क तुटला; अतिवृष्टीमुळे जनजीवन विस्कळीत

या जमा झालेल्या करामधूनच कामगारांच्या कल्याणासाठी विविध लाभाच्या योजना राबवण्यात येतात. परंतु, सध्या या योजनांची अंमलबजावणी करण्यात अधिकारी चालढकल करत आहेत. नोंदणीकृत कामगारांना सुरक्षा संच तसेच इतर उपयोगी साहित्य चिमूर तालुक्यात मोठया प्रमाणात वाटण्यात येत होते. मागील पंधरा दिवसांपासून हे वाटप बंद असल्याने कामगारांमध्ये तीव्र रोष आहे.