वेकोली परिसरात अस्वलाचा वावर; वनविभागाने लावले पिटाळून

वेकोली परिसरात मादी अस्वलाचा वावर आढळून आला. अस्वली पिल्लांसह रस्त्यावर होती. त्यामुळे येथील वाहतूक काही वेळ थांबवण्यात आली होती. वनविभागाच्या पथकाने घटनास्थळी धाव घेत वाहतूक सुरळीत केली.

चंद्रपूर- शहरातील वेकोली परिसरात मादी अस्वलाचा वावर आढळून आला. या मादी अस्वलासोबत तिचे पिल्लूही सोबत होते. त्यामुळे तातडीने या भागात वाहतूक थांबविली गेली. अस्वलीसोबत तिची पिल्ले असल्याने ती अधिक भांबावली होती.

हेही वाचा-हळदी समारंभात नाचताना 25 वर्षीय तरूणाचा हृदयविकाराच्या झटक्याने मृत्यू

कोळसा खाण परिसरात असलेली भटकी कुत्री या अस्वलाच्या मागे लागली होती. त्यामुळे अस्वलाची धांदल उडाली. वनविभागाच्या बचाव पथकाने परिस्थिती हाताळत कुत्र्यांना पिटाळून अस्वलाला जंगलात जाण्याचा मार्ग खुला करून दिला. या परिसरात हिंस्र प्राण्यांचा वावर असतो. त्यामुळे नागरिकांमध्ये भीतीचे वातावरण आहे.