चंद्रपुरात आज १०४ कोरोना पॉझिटिव्ह; एकूण रुग्णांची संख्या पोचली ८५७च्या घरात

चंद्रपूर जिल्ह्यात सुरुवातीपासून आतापर्यंत एकूण बाधितांची संख्या २४ हजार ६६० वर पोहोचली आहे. तसेच बरे झालेल्यांची संख्या २३ हजार ४०१ झाली आहे. सध्या ८५७ बाधितांवर उपचार सुरू आहेत.मागील २४ तासात ४३ जणांनी कोरोनावर मात केल्याने त्यांना रुग्णालयातून सुट्टी देण्यात आली आहे, तर १०४ कोरोनाबाधीत रुग्णांची नव्याने भर पडली आहे.

चंद्रपूर - जिल्ह्यात मागील २४ तासात ४३ जणांनी कोरोनावर मात केल्याने त्यांना रुग्णालयातून सुट्टी देण्यात आली आहे, तर १०४ कोरोनाबाधीत रुग्णांची नव्याने भर पडली आहे. त्यामुळे सध्या जिल्ह्यात ८५७ कोरोनाच्या रुग्णांची संख्या पोहोचली आहे.

जिल्ह्यात सुरुवातीपासून आतापर्यंत एकूण बाधितांची संख्या २४ हजार ६६० वर पोहोचली आहे. तसेच बरे झालेल्यांची संख्या २३ हजार ४०१ झाली आहे. सध्या ८५७ बाधितांवर उपचार सुरू आहेत. आतापर्यंत दोन लाख ३० हजार २७ नमुन्यांची तपासणी करण्यात आली असून त्यापैकी दोन लाख तीन हजार ४४८ नमुने निगेटीव्ह आले आहेत.

जिल्ह्यात आतापर्यंत ४०२ बाधितांचे मृत्यू झाले असून यापैकी चंद्रपूर जिल्ह्यातील ३६४, तेलंगणा एक, बुलडाणा एक, गडचिरोली १८, यवतमाळ १६, भंडारा एक आणि वर्धा येथील एका बाधिताचा समावेश आहे.

आज बाधीत आलेल्या १०४ रुग्णांमध्ये चंद्रपूर महानगर पालीका क्षेत्रातील ६०, चंद्रपूर तालुका १०, बल्लारपूर नऊ, भद्रावती तीन, नागभिड तीन, मूल तीन, गोंडपिपरी एक, राजुरा तीन, चिमूर दोन, वरोरा चार, कोरपना तीन व इतर ठिकाणच्या तीन रुग्णांचा समावेश आहे.

कोरोनाचे रूग्ण कमी-अधिक प्रमाणात बहुतांश तालुक्यातून आढळून येत आहेत. नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करून सुरक्षीत राहण्याचे आवाहन जिल्हाधिकारी अजय गुल्हाने यांनी केले आहे.

हेही वाचा - यावर्षीची अमरनाथ यात्रा 28 जूनपासून होणार सुरू, श्राइन बोर्डाच्या बैठकीत निर्णय