बुलडाणा -जिल्ह्यात कालचा दिवस (बुधवार) हा आंदोलनवार ठरला. दिवसभरात शेतकरी संघटनेसह कर्मचाऱ्यांच्या विविध संघटनांनी रास्ता रोको, निर्दशने, मोर्चे काढून जिल्हाधिकारी कार्यालयासमोर आंदोलन केले. सकाळी 10 वाजेपासून या आंदोलनांना सुरूवात झाली होती.
बुलडाण्यात बुधवार ठरला 'आंदोलन'वार, विविध संघटनांनी केली निदर्शने..
बुधवारी सकाळपासूनच शेतकरी संघटनेने जिल्ह्यात ठिक-ठिकाणी रास्तारोको करत आंदोलन करण्यास सुरूवात केली होती. तर, जुनी पेन्शन योजना लागू करण्यासाठी महाराष्ट्र वनरक्षक, वनपाल संघटना आणि राज्य सहकारी कर्मचारी मध्यवर्ती संघटनेच्या वतीने आंदोलन करण्यात आले. या आंदोलनाला महाराष्ट्र राज्य रेखाचित्र शाखा कर्मचारी संघटनेने पाठिंबा देत, जिल्हाधिकारी कार्यालयासमोर धरणे आंदोलन केले.